الى ابي و حبيبي الدكتور ضياء فرحات , الى كل المعتقلين الشرفاء خلف الاسوار
اصبروا فأنتم فى سبيل الله حتى ترجعوا وما النصر الا صبر ساعة
عمر علاء أبو العلا
*********
أول حاجة أنـا مـش شاعـر
لكـن قلمـي عنــدُه وفــــاء
قاللي الليلـة إكتبْلِـي مشاعـر
عــن الظلم فـى عـمو ضياء
قُلت لقلمي أنـا مـش شاطـر
ولا من طَبْعي أحـب أخاطـر
آخري في قاعدة أحكِّي خواطر
أو كــلمــة لــو ربنــا شــــــاء
قلمي قاللي اوعـى تنرفزنـي
كلـمـاتــك دِيّــَــت بتغيظــنـي
إكـتــب خـلــلــي عــنــدك دم
أحســن اخـللــي النــاس تِتلــم
وابْعَـت شـكـوى بتطـعــن فيـك
أكتـب فيـهــا عــن بَـلاويــك
وتــروح للـواء رضـا رشـوان
يـِقـْطـَع خـَبـَـرَك مــن الـحريـة
ويـلــبســلك الـــــــف قـضـية
أو هيـقـول بـيض مـصروف
أو هيقولك صــرف الــوف
على جماعات عامللهم خوف
--
قُلـت لقلمـي استنـى عَلَيّـا
إشتري منِّـي شويـة شويـة
هوّا سَعتَّـك غـاوي أزيَّـة !
فين الغلط في اللـي اتْقَـال ؟
مالـك داخـل فيّـا شمـال ؟
يعني اكمنِّي راجل على قـدِّي
عايز تِبْعَت تشتكـي ضـدِّي
وكمان تِبعـت للواء رِضـا
وانا زي الكتكوت في البيضـة
قلمـي كـان لسَّـة هيتكـلـم
قلت اسكت ! ع الصبر وعلِّـم
كـل دَهُــوَّت أقـصــد مــنُّـه
إنـك مافــهـمــتـش إحسـاسـي
لما طلبت انِّــي اكتـب عنُّـه
على إنسان يتْشال فوق راسـي
على دُكتورنا وضَـيّ عينينـا
اللـي اتـاخـــد مـن وسـطـيـنـا
و أديه غايب عـنَّـا شـهــور
غـايب فـيـهــم كــل الــنُّـور
ما هو موجود خلـف الأسـوار
نـور ربـانــي مــن الأخيـار
من غير تُهمة تمِـس اخلاقُـه
أصل الحاكِم انْ زاد في غباؤه
بيكـون اللـي بيـحـفــظ أمْنُـه
ناس جاهلة وبصدورهم ضاقوا
في ناس قاعدة لغيرها بتسعَـى
عايزة لشعـب بلدهـا يسْعَـى
جُم قعـدوا يرتِّبـوا أفكارهـم
قاموا واخدينهـم هُـمَّ التِسعـة
وكمان غيرهم خادو عشرين
على شركاتهم قفل متين
واتهامـات متعـادة سخيفـة
ده طبيعي مِن دوْلـة ضعيفـة
اما يقلك بيـــضــوا قــــرش
قأمو عملين لفلوسهم سيرش
علشان يملوا بيها الكرش
ودِه حاجة في مآسي العَصْـر
قهْـر تسلُّـط ظُلـم وقـسْـر
لمَّا هتاخدوا عمُّـو مالك !
عندكوا كام مالك في مَصْر ؟
--
لكن هـوّا فـي دعـوة أبيَّـة
بِتْعلِّـم معـنـى التضْحـيَّـة
دعْوة في قلبه ورُوحُه وحِسُّـه
وتخللـيـه بيعـلِّـم نَفْـسُـه
مهما قعـدت عنـد الشرطـة
بُكرة انا هخْرُج عنـدي إبـاء
--
هـيّّ ده دعـوة الإخــوان
حُب إخاء مغـروس بإيمـان
مهمـا هتاخُـد مـن أموالنا
نِبـذِل ليهـا كُـل مالنا و حالنا
ولا هيهمنا ظابط جالنا
ولا هيهمنا بعد عيالنا
مهما هيحصـل مِـن مُعانـاة
تِفضَل لِينـا طريـق لنجـاة
هِـيَّ لِيـنـا كُــل الـهـم
ثابتة ومغروسـة فـي الـدم
قلمي قاللي بـس يـا عـم !!
هوَّ انا قلت اكتبلي قصيـدة ؟
ولَّا تعالى وخُـط عريضـة ؟
إنت يا عمِّـي كـده طوِّلْـت
بعد الظلم و جيت تقلت
زودت ع الشعب عيارك
ليه بتحدف بس فى نارك
واحنا شعوب عايشة فى بلاها
كل البركة فى عم مبارك
No comments:
Post a Comment